Poytaxtlik yosh kriketchilarda g'alaba shukuhi + FOTO

Uch kun davomida ikki bo'limdan iborat bo'lgan shiddatli o'yinlarning yakuniy natijalariga ko'ra Toshkent shahrining “Eagles” jamoasi raqiblarini 127:125 natijasiga ko'ra ortda qoldirib, g'oliblikni tantana qilishdi.

Asli vatani Angliya bo'lgan va millionlab ashaddiy muxlislariga ega hisoblangan kriket sport turi yoshlarimizning sevimli sport turiga aylanib borayotganini birgina ushbu ikkita jamoa o'rtasidagi o'yin jarayonlaridan ham sezish mumkin edi.

Boisi, jamoalardagi har bir ishtirokchilarning zo'r qiziqish va ishtiyoq bilan o'yinga berilib ketishi, ochko olishga erishsa quvonchdan bir-birini qutlashi, aksincha esa yanayam shiddat bilan o'yinga kirishishi yoshlarni kriketga oshno bo'lganidan dalolat edi.      

O'yin yakuniga etgach, taqdirlash marosimida O'zbekiston kriket federaciyasi raisi Aziz Mixliev ishtirok etib, g'olib jamoaga diplom va kubok topshirgan bo'lsa, “ANFA PHARMACEUTICALS” kompaniyasi tomonidan ham ushbu jamoaga homiylik sifatida 2 million so'm pul mukofoti taqdim etildi.

SHuningdek, turli nominaciyalar bo'yicha ham g'oliblar aniqlandi. “Eng yaxshi o'yinchi” nominaciyasini Jamshid Mamarasulov qo'lga kiritgan bo'lsa, “Eng yaxshi bouler (to'p otuvchi)” nominaciyasiga Jasur Eshmamatov, “Eng yaxshi betsmen (himoyachi)” nominaciyaga G'olib To'ychiev ega bo'ldi.        

Ilhom RAHMONOV tayyorladi