Presidentʼs Cup. Humoyun birinchi raketkaga qarshi yarim finalda match-boldan foydalana olmadi

Sovrin jamg'armasi 135 400 AQSH dollarini tashkil qiluvchi musobaqada hamyurtimiz Humoyun Sultonov ham muvaffaqiyatli ishtirok etdi. Kecha chorak finalda reytingda o'zidan 246 pog'ona yuqoridagi belaruslik Egor Gerasimovni mag'lub etgan vakilimiz bugun final chiptasi uchun rossiyalik Evgeniy Donskoyga qarshi kortga chiqdi.

Uch set davom etgan dramatik bahs yakunida dunyo reytingida 383-o'rinni egallab turgan Humoyun nomdor raqibiga 6:3, 1:6, 6:7(5:7), hisobida imkoniyatni boy berib qo'ydi. Tay-brekda 5:2 hisobida g'alaba qozonayotgan Sultonov avvaliga o'zining ikkita, keyin raqib to'p uzatishlarini yutqazib, yakunda alamli mag'lubiyatga uchradi.