Prevyu. Jokovich va Tim o'rtasidagi Australian Open finali oldidan

Unda serbiyalik Novak Jokovich va avstriyalik Dominik Tim to'qnash keladi. 

Novak Jokovich bugun Avstraliya kortlaridagi sakkizinchi g'alabasiga erishishi mumkin. Avstraliya kortlari uning o'yin uslubiga moslashtirilib qurilganday go'yo. Serb ushbu musobaqada olti uchrashuvda raqiblariga bitta set yutqazgan xolos. Qolgan barcha  uchrashuvlarda Novak raqiblariga xech qanday imkoniyat qoldirmadi, hattoki "Maestro" Rojer Federer ham yarim finalda 3:0 hisobida taslim etildi. Bugungi o'yinda Jokovich mos ravishda favorit hisoblanadi. 

Dominik Tim gruntda Rafael Nadalning "merosxo'ri" sifatida qayd etilmoqda. Bunga etarlicha sabablar bor. So'ngi ikki mavsum Tim "Rollan Garros" musobaqasi finalida o'ynadi, ammo xar safar mag'lubiyat alamini totib ko'rdi. Bu Tim uchun "Katta Dubulg'a" musobaqalari finalidagi uchinchi imkoniyat hisoblanadi va osonlikcha taslim bo'lmasligi aniq. Yana shuni takidlab o'tish lozimki, Dominik TOP 3 va o'sib kelayotgan "NEXT GEN" avlodi ichidagi vakil hisoblanadi. SHu omillarni hisobga olgan xolda Timni bir marta "Katta Dubulg'a" musobaqalari g'olibligiga munosib deb hisoblasak arziydi menimcha.

Bungacha tennischilar 10 marotaba to'qnash kelishgan va ularning 6 tasida Jokovich g'alaba qozongan. 4 marta Timning qo'li baland kelgan.

Nima bo'lganda xam bugun bizni xaqiqiy anshlag kutib turibdi. Uchrashuv Toshkent vaqti bilan soat 13:30 da boshlanadi. 

Husniddin Mirzaliev

Tennis olamidagi eng so'nggi yangiliklarni TENNIS YANGILIKLARI telegram kanali orqali kuzatib boring.