Prezident Kubogi. Ikki grossmeysterimiz Top-3`da. SHaxmatchilarimiz 7-turda qanday natija qayd etishdi?

Musobaqada dunyoning turli mamlakatlaridan kelgan grossmeysterlar bosh sovrin uchun bahs olib borishyapti. Hindistonlik Nihal Sarin (2701) turnirda birinchi raqam ostida saralangan. U kecha o'tkazilgan 7-turda eronlik grossmeyster Danishvar Bardiyani mag'lubiyatga uchratib, turnir jadvalida 5 ochko yana peshqadam bo'lib oldi. Nihalni 6-turda mag'lub etib, katta shov-shuv ko'targan Muhiddin Madaminov (2552) bu safar qora donalarda germaniyalik Frederik Sven (2653)ga imkoniyatni boy berib qo'ydi. 

O'ziga xos o'zbek derbisida SHamsiddin Vohidov oq donalarda o'ynaganiga qaramay, kutilmaganda Abdimalik Abdisalimovga yutqazib qo'ydi. Buning ortida peshqadamlikni Nihal Saringa topshirdi. Abdisalimov turnirdagi ilk g'alabasini qo'lga kiritdi. Ettinchi turda rossiyalik Aleksandr Grishuk ukrainalik Yuriy Kuzubovni taslim etdi. Franciyalik Maksim Lagarde va armanistonlik SHant Sargsyan partiyasida durang natija qayd etildi. 

Bugun 8-tur uchrashuvlari o'tkaziladi. Soat 15:00`da boshlanadigan turning markaziy uchrashuvi SHamsiddin Vohidov va Nihal Sarin o'rtasida bo'lib o'tadi. Agar Vohidov bugun g'alaba qozona olsa, chempionlik sari juda katta qadam tashlaydi. Muhiddin Madaminov Maksim Lagardega, Abdimalik Abdisalimov Aleksandr Grishukka qarshi bahs olib boradi.