Prezident Kubogida peshqadam o'zgardi, o'zbek derbisida murosayu madora

Musobaqada dunyoning turli mamlakatlaridan kelgan grossmeysterlar bosh sovrin uchun bahs olib borishyapti. Hindistonlik Nihal Sarin (2701) turnirda birinchi raqam ostida saralangan. U kecha o'tkazilgan 5-turda armanistonlik SHant Sargsyanni mag'lubiyatga uchratdi va turnir jadvalida 4 ochko bilan yakka peshqadamga aylanib oldi. 

Bunga yosh grossmeysterlarimiz SHamsiddin Vohidov va Muhiddin Madaminovning o'zaro durang o'ynagani sabab bo'ldi. Tur oldidan bu ikki shaxmatchimiz 3 ochkodan jamg'arib, musobaqada peshqadamlik qilishayotgandi. Ular kuchli uchlikda qolishdi. To'rtinchi o'rindagi Daneshvar Bardiya hisobida 3 ochko bor. Eronlik grossmeyster 5-turda oq donalarda yana bir shaxmatchimiz Abdimalik Abdisalimov bilan durang o'ynadi. 

Beshinchi turda germaniyalik Frederik Sven rossiyalik Aleksandr Grishukni, franciyalik Maksim Lagarde ukrainalik Yuriy Kuzubovni mag'lubiyatga uchratdi. Bugun 6-tur uchrashuvlari o'tkaziladi. Soat 15:00`da boshlanadigan turda Muhiddin Madaminov qora donalarda peshqadam Nihal Saringa qarshi bahs olib boradi. SHamsiddin Vohidov qora donalarda Daneshvar Bardiya bilan hisob-kitob qiladi. Abdimalik Abdisalimov esa Yuriy Kuzubovga qarshi dona suradi.