Prezident qarorining ijrosi amalda

O'zbekiston yilqichilik va ot sporti federaciyasi hamda O'zbekiston polo federaciyasi raisi Bahromjon Gaziev boshchiligidagi ishchi guruh ayni paytda Respublikamiz bo'ylab viloyatlardagi ot sportiga ixtisoslashgan maktablar va yirik otxonalarni ko'zdan kechirmoqda.

Mutasaddilar dastlab Samarqand viloyatida bo'lishdi. Hozir esa Andijon viloyatidagi asosiy otxona va ot sportiga ixtisoslashgan maktablar o'rganilmoqda. Malumki, yurtimizda axalteke va qorabayir otlarini etishtiradigan ko'plab mutaxassislar mavjud. Ishchi guruh tashrif davomida hududlardagi ana shunday vakillar bilan hamkorlikni yo'lga qo'yish bo'yicha bir qator istiqbolli kelishuvlarga erishmoqda. Maqsad esa mamlakatimizda zotdor va naslli otlarni ko'paytirish orqali ot eksportini yo'lga qo'yish, yurtimizda ot sportini yana-da rivojlantirishdir.

O'rganishlar natijasida aniqlangan kamchilik va muammolar muhokama qilinib, kerakli tavsiyalar berildi. Takidlash joiz, federaciya rahbariyati kelgusida Respublikamizning barcha hududlariga safar uyushtirib, viloyatlarning bu boradagi imkoniyatlarini o'rganib chiqishni rejalashtirgan.