17 iyu 07:48
Yangiliklar

SHaxmat

Prezidentimizdan 2 xonali uy qabul qilib olgan shaxmatchimiz Britaniyada chempion bo'ldi

6-16 iyul kunlari Buyuk Britaniyaning Manchester shahrida zaif eshituvchilar o'rtasida shaxmat Olimpiadasi bo'lib o'tdi.

Nufuzli musobaqa doirasida Ochiq chempionat ham tashkil etildi. Unda o'zbekistonlik shaxmatchi, 2004 (Malente, Germaniya) va 2008 yilgi (Sant-Gallen, SHveycariya) zaif eshituvchi o'smirlar o'rtasidagi jahon chempioni, 2015 yilgi Osiyo chempioni (Ulan-Bator, Mo'g'uliston) Sirojiddin Zayniddinov ham ishtirok etdi.

Ochiq chempionat yakunlariga ko'ra 8 ochko jamg'argan Sirojiddin birinchi o'rinni qo'lga kiritdi va musobaqa g'olibiga aylandi. Malumot uchun, chempionatda 30 nafar shaxmatchi o'z omadini sinab ko'rdi.

Eslatib o'tamiz, Sirojiddin avvalroq O'zbekiston Respublikasi Prezidenti SHavkat Mirziyoev tomonidan ikki xonali uy bilan taqdirlangandi.