Qarshida “Bosh vazir kubogi ” musobaqalari o'tkazildi

Qarshi shahridagi “Nasaf” futbol akademiyasi stadionida hamda Qarshi ixtisoslashtirilgan olimpiya zaxiralari maktab-internatida Qashqadaryo viloyat jismoniy tarbiya va sport boshqarmasi tashabbusi bilan  viloyatdagi  boshqarama va idoralarning apparat xodimlari o'rtasida futbol va voleybol sport turlari bo'yicha  “Bosh Vazir Kubogi” musobaqasi bo'lib o'tdi.

Mazkur Kubok bellashuvlarida yigirma beshga yaqin boshqarmalardan 300 nafarga yaqin masul xodimlar ishtirok etishdi. 

Murosasiz va qizg'in bahslarga boy tarzda o'tgan bellashuvlarning erkaklar o'rtasidagi futbol musobaqasida birinchi o'rinni viloyat Kasaba uyushmalari tashkilotlari birlashmasi kengashi jamoasi qo'lga kiritdi. Ikkinchi o'rinni Axborot va ommaviy kommunikaciyalar agentligi viloyat hududiy boshqarmasi jamoasi egallashgan bo'lishsa, uchinchi o'rin viloyat Kasbiy talimni rivojlantirish va muvofiqlashtirish boshqarmasiga nasib etdi.

Ayollar o'rtasidagi voleybol bellashuvlarida Qarshi davlat universiteti jamoasiga teng keladigani topilmadi. Ular barcha raqiblarini yirik natijalar hisobiga mag'lub etib, chempionlikni tantana qilishdi. Ikkinchi o'rinni viloyat Maktabgacha talim boshqarmasi jamoasi band etgan bo'lsa, uchinchi o'ringa Qarshi muhandislik – iqtisodiyot instituti jamosi erishdi.

Musobaqalar yakuniga etgach kuchli uchlikdan joy olgan jamoalar Qashqadaryo viloyat jismoniy tarbiya va sport boshqarmasi tomonidan  diplom, medal va va esdalik sovg'alari bilan taqdirlanishdi.

Ilhom RAHMONOV, o'z muxbirimiz