Qarshida sovrindor futbolchilar ezozlandi

Xususan, Qashqadaryo viloyati bolalar-o'smirlar futbol akademiyasining tarbiyalanuvchilari ham mazkur chempionatda faol ishtirok etib, yakunda faxrli ikkinchi va uchinchi o'rinlarni band etishdi. 

Akademiyaning 2003 yilda tug'ilgan tarbiyalanuvchilari (murabbiylari Jonibek Egamberdiev, Konstantin Boev) ikkinchi o'rinni egallab, kumush medallarga ega chiqishgan bo'lishsa, o'z vaqtida oliy ligalarning mohir futbolchisi, hozirda tajribali murabbiyi Rustam Tog'aev qo'l ostida shug'ullanayotgan 2004 yilda tug'ilgan tarbiyalanuvchilari uchinchi o'rinni qo'lga kiritib, bronza medal egalariga aylanishgan. 

SHuningdek, mazkur akademiya murabbyilari Nasim SHoimov hamda Bahriddin Omonovlarning shogirdlari ham Navoiy viloyatida o'tkazilgan O'zbekiston kubogida 2006 yillarda tug'ilan bolalardan iborat viloyat terma jamoasi bilan ishtirok etib, uchinchi o'rinni egallashga muvaffaq bo'lishgan edi. 

Yaqinda Qarshi shahridagi 47-umumiy o'rta talim maktabida Qashqadaryo viloyat futbol associaciyasi, viloyat bolalar-o'smirlar futbol akademiyasi bilan hamkorlikda manaviy-marifiy sport tadbiri o'tkazildi. Tadbir doirasida  akademiyaning sovrindor jamoalarini  taqdirlash marosimi ham bo'lib o'tdi. 

Marosimda ishtirok etgan “Nasaf” PFK bosh murabbiyi Ro'ziqul Berdiev, “O'zbekiston Qaxramoni” unvoni sohibasi Muhabbat SHaropova, viloyat bolalar-o'smirlar futbol akademiyasi direktori Nurali Sultonovlar so'zga chiqib, bolalar futboliga qaratilayotgan yuksak etibor haqida o'z fikr va mulohazalari bilan o'rtoqlashishdi. 

Tadbir so'nggida sovrindor jamoalar tashkilotchilar tomonidan esdalik sovg'alari bilan taqdirlanishdi.

SHavkat Ro'ziev, Qashqadaryo viloyati bolalar-o'smirlar futbol akademiyasi manaviyat-marifat ishlari bo'yicha direktor o'rinbosari 

Ilhom RAHMONOV, o'z muxbirimiz