Qarshidagi maktab - internatida o'qituvchi va murabbiylar ezozlandi

Xususan, kecha 30 sentyabr kuni Qashqadaryo viloyat Turizm va sport bosh boshqarmasi tasarrufidagi Qarshi shahar olimpiya va milliy sport turlari bo'yicha davlat ixtisoslashtirilgan maktab – internatida ham ustoz va murabbiylar bayramiga bag'ishlangan manaviy-marifiy tadbir tashkil etildi. Mazkur bayram tadbirida ko'p yildan buyon samarali va fidokorona mehnat qilib kelayotgan o'qituvchi-murabbiylar maktab – interneti rahbariyati tomonidan tashakkurnoma va esdalik sovg'alari bilan mukofotlanishdi. SHuningdek, ushbu maktab-internatining malakali, fidioyi va jonkuyar tarix fani o'qituvchisi  Venera Muqimovaga bayram munosabati bilan O'zbekiston Respublikasi bosh vazir o'rinbosari, Turizm va sport vaziri Aziz Abduhakimov tomonidan imzolangan tashakkurnoma ham tantanali tarzda topshirildi.

Tadbirda so'z olgan maktab-internati direktori Yaxyo Turdimurodov sport - talim maskanida faoliyat olib borayotgan barcha o'qituvchi va trenerlarni ushbu qutlug' sana bilan samimiy tabriklab, ularga mustahkam sog'liq, mashaqqatli va sharafli mehnat faoliyatida zafarlar tiladi.

Bayram tadbirida maktab-internatining sportchi-o'quvchilari tomonidan tayyorlangan badiiy sahna ko'rinishlari  yig'ilganlarga xush kayfiyat bag'ishladi.

Ilhom RAHMONOV tayyorladi