Qashqadaryoda Ikkinchi jahon urushi qatnashchilari holidan xabar olindi

El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardog'idadir. Ana shunday mardlik va jasorat namunasini ko'rsatganlarga, jang maydonlarida jonini fido qilgan bobolarimiz, sabr-bardosh bilan katta qiyinchiliklarni engib o'tgan momolarimizni sharaflash, xotirasini abadiylashtirish, ularga g'amxo'rlik va etibor ko'rsatish mustaqillik yillarida yangicha mano-mazmun bilan boyidi. 

Zotan, bugun O'zbekiston inson, uning hayoti, erkinligi, shani, qadr-qimmati ulug'lanadigan buyuk mustaqil davlatga aylandi.

Bu jihatdan yurtimizda keng nishonlanayotgan Xotira va qadrlash kuniga bag'ishlangan tadbirlarda, ona diyorimiz xalqimizning ozodligi va istiqloli, erkin va farovon hayotini mardlik va shijoat bilan himoya qilgan fidoyi yurtdoshlarimizga ko'rsatayotgan g'amxo'rlik, hurmat-ehtiromda yanada yaqqol namoyon bo'lmoqda.

SHu boisdan, 9 may – "Xotira va qadrlash kuni" munosabati bilan, mazkur ulug' sana arafasida viloyat Jismoniy tarbiya va sport boshqarmasi hamda Kasbi tuman hokimligi hamkorligida tumanda istiqomat qiluvchi Ikkinchi jahon urushi qatnashchilari holidan xabar olindi va ularga turli hil oziq-ovqat mahsulotlari ulashildi.

Jumladan, "Maymanoq" MFY da yashovchi urushning qiyin kunlarini boshidan o'tkazgan 98 yoshli Jo'raev Mirzo boboning, shuningdek, Mug'lon qishlog'ida yashovchi, urushda o'zining matonati va jasorati bilan munosib qatnashib, hozirgi kunda 96 yoshni qoralagan SHermatov Xayrullo bobolarning hollaridan xabar olinib, ularga hurmat-ehtirom ko'rsatildi.

SHu bilan birga, tumandagi Denov qishlog'ining eng yoshi ulug' insonlaridan biri bo'lgan, Ikkinchi jahon urushi qatnashchilari Nazarov Erka bobo va Xo'jakasbi qishlog'ining mardlik va jasorat namunasi timsoli bo'lgan Azizov Iso bobolarning ham hollaridan xabar olindi.