Qashqadaryoda ot sportiga ixtisoslashtirilgan yirik majmua ish boshladi+FOTO

Majmua maydoni yashil hudud, mikroiqlim tizimi bilan ko'kalamzorlashtirilgan. Besh gektardan ortiq xududda 200 ta otga mo'ljallangan otxona jonivorlarni sifatli parvarish qilish uchun barcha kerakli narsalar bilan jihozlangan. Bu erda barcha talablarga javob beruvchi veterenar bloklari, cho'milish xonalari, og'ilxona mavjud. Ochiq va yopiq manejlar mashg'ulotlar, milliy va xalqaro musobaqalar o'tkazish uchun shay holga keltirilgan. Otlarni yurgizish uchun mo'ljallangan maxsus qumli va suvli moslama mavjud. Yosh otlar uchun keng qo'ra ham bor.

Bayramga yig'ilgan mehmonlar 500 o'ringa mo'ljallangan tribunadan musobaqani tomosha qilib zavqlanishdi. U erdan nafaqat maydon ajoyib ko'rinishini, balki “Qorabayr otchilik majmuasi” unitar korxonasi maydonini ham ko'zdan kechirish mumkin.

SHunday qilib, tantanali ravishda tasmani kesishdi, yangi zavod ochildi va o'ziga yuklatilgan missiyani bajarishga shay!

Tadbir doirasida O'zbekistonning eng yaxshi sportchi konkurchilari bu sport turiga xos tomoshaboplik va qizg'inlikni namoyon etdilar. Tomoshabinlar chiqishlardan katta zavq oldilar, har bir chavandozni qarsaklar bilan kutib oldilar va ularni qo'llab-quvvatlab turdilar.

Klassik konkur g'olibi yosh sportchilardan biri O'tkir Ismoilov bo'ldi, u Reys laqabli otda chiqish qildi. Sakrash quvvati konkurida g'alabani xalqaro toifadagi sport ustasi, ot sporti faxriysi Ibragim Yuldashev Lou Loveret laqabli otda qo'lga kiritdi. Tomoshabinlar olqishi sovriniga sportchi, sport ustasi, O'zbekiston yilqichilik va ot sporti federaciyasi vice-prezidenti Baxrom Gaziev ega bo'ldi.

Ishonamizki, yaqin orada bu joy nafaqat mamlakat yilqichilari va ot sporti ishqibozlari, balki xushqad jonivorlarni qadrlovchi, aukcionlar, nufuzli musobaqalar, tarmoqning tantanali tadbirlari, ilmiy tadqiqotlar, sohaning etakchi vakillari bilan ishchan uchrashuvlarda ishtirok etishga qiziquvchi insonlarni ham o'ziga ohangrabodek tortuvchi maskanga aylanadi.

Marosimga shuningdek, Xalqaro ot sporti federaciyasi veterenar delegati, Rossiyaning ot yo'rttirish bo'yicha terma jamoasi veterenar shifokori Evgeniy Gorovoy, Xalqaro ot sporti federaciyasi mintaqaviy guruhi rahbari o'rinbosari Ramin SHafii, shuningdek “Ashqan Equestrian Equipment” kompaniyasi prezidenti Ashkan Xakikiy bo'lishdi.

Tantanali tadbir ajoyib koncert dasturi, estrada yulduzlari, xalq ansambllari chiqishlari va milliy raqslar namoyishlariga boy bo'ldi.