Qashqadaryoda sport bellashuvlari avjida FOTO

Viloyat jismoniy tarbiya va sport boshqarmasi, viloyat o'zbek jang sanati federaciyasi, tuman jismoniy tarbiya va sport bo'limi bilan hamkorligida tashkil etilgan mazkur ochiq birinchilikda Qarshi shahri, Qarshi, Nishon, SHahrisabz, Kitob, Kasbi tumanlaridan yig'ilgan 140 nafar sportchi ishtirok etdi. 

Qizg'in va murosasiz bahslarga boy bo'lgan musobaqaning yakuniy natijalarga ko'ra, mezbonlar jamoasi faxrli birinchi o'rinni qo'lga kiritdi. Ikkinchi o'rinni Qarshi tumani jamoasi egallagan bo'lsa, uchinchi o'rin nishonlik yoshlarga nasib etdi. Kuchli uchlikdan joy olgan sportchilar diplom, medal va esdalik sovg'alari bilan taqdirlanishdi. 

SHuningdek, Koson tumanida ham “26 iyun - Xalqaro giyohvandlikka qarshi kurashish kuni” munosabati bilan “Biz yoshlar giyohvandlikka qarshimiz” shiori ostida tuman hokimligi, viloyat jismoniy tarbiya va sport boshqarmasi, tuman bolalar-o'smirlar sport maktabi, tuman jismoniy tarbiya va sport bo'limi  hamkorligida 14 yoshdan 30 yoshgacha bo'lgan aholi o'rtasida yugurish bo'yicha marafon o'tkazildi. 

Ko'tarinki ruhda o'tkazilgan marafonda mahalla fuqarolari, tumandagi turli tashkilot va idoralar xodimlari, kasb-hunar kollejlaridan 5000 nafarga yaqin 14 yoshdan 30 yoshgacha bo'lgan ishtirokchilar qatnashishdi.

Musobaqa g'olib va sovrindorlari:

14-18 yoshli qizlar

1. Ozoda Temirova 

2. Sarvinoz Nurqulova   

3. Zamira Ravshanova 

14-18 yoshli o'g'il bolalar 

1. Alibek Nematullaev   

2. Tursun Dilmonov   

3. Quvondiq Xolquvarov     

Ayollar 

1. Nasiba Yorqulova   

2. Xumora Bekmurodova   

3. Dilrabo Bekmurodova    

Musobaqa so'ngida g'olib va sovrindorlar tashkilotchilar tomonidan diplom hamda esdalik sovg'alari bilan taqdirlanishdi.

Jahon ERGASHEV, Qashqadaryo viloyat jismoniy tarbiya va sport boshqarmasi boshlig'i o'rinbosari 

Ilhom RAHMONOV, o'z muxbirimiz