Qatar Masters Chess-2023`da muvaffaqiyatli qatnashgan grossmeysterlarimiz qancha mukofot puli ishlab olishdi? + FOTOGALEREYA

Jahon tojdori Magnus Karlsen, reyting etakchilari Xikaru Nakamura, Anish Giri, Arjun Erigasi singari dunyo shaxmat yulduzlari ishtirok etgan musobaqa bosh sovrini hamyurtimiz Nodirbek Yakubboevga nasib etdi. 

Nodirbek chempionlik uchun kechgan hal qiluvchi tay-brek uchrashuvida jamoadoshi Nodirbek Abdusattorovni 2:0 hisobida mag'lubiyatga uchratdi. Abdusattorov turnir vice-chempioniga aylandi. Uchinchi o'rindagi hind shaxmatchisi singari 6,5 ochko jamg'argan Javohir Sindarov qo'shimcha ko'rsatkichlarga ko'ra 4-o'rinni band etdi.     

SHu tariqa, shov-shuvli tarzda Qatar Masters Chess-2023 turniri g'olibiga aylangan Nodirbek Yakubboev bosh sovrin bilan birga 25 000 AQSH dollari miqdoridagi mukofot pulini ham qo'lga kiritdi. Musobaqaning umumiy mukofot jamg'armasi 108 ming 250 dollarni tashkil etadi. Ikkinchi o'rin sohibi Nodirbek Abdusattorov 15 000, 4-o'rinni band etgan Javohir Sindarov esa 7500 AQSH dollariga ega bo'ldi.