Qatar Osiyo chempioni bo'lgan qita birinchiligida O'zbekiston terma jamoasi nechanchi o'rinni egalladi? (+FOTO)

Ushbu qita birinchiligida O'zbekiston yoshlar terma jamoasi ham ishtirok etdi. Qo'l to'pi ustalarimiz A guruhida 3-o'rinni egallab, 1/4 finalga yo'l olishgandi. To'rtta o'yinning ikkitasida g'alaba qozonib, qolgan ikkisida mag'lub bo'lgan yoshlarimiz A guruhida 3-o'rin bilan pley-offga chiqishgan edi.

Afsuski, yoshlarimiz jahon chempionati yo'llanmasi uchun kechgan chorak final bahsida Eron terma jamoasiga 24:36 hisobida imkoniyatni boy berib qo'yishdi. Eron, Bahrayn, Koreya Respublikasi va Qatar terma jamoalari kelasi yili o'tkaziladigan Jahon chempionati yo'llanmasini qo'lga kiritishdi. 

O'zbekiston yoshlar terma jamoasi 5-8 o'rinlar uchun o'tkazilgan uchrashuvda Saudiya Arabistoni yoshlariga 27:38 hisobida yutqazishdi. Keyin esa 7-8 o'rinlar uchun kechgan bahsda Iordaniya gandbolchilaridan 25:29 hisobida engilib, Osiyo chempionatini 8-o'rinda yakunlashdi. 

Hal qiluvchi final uchrashuvida Qatar terma jamoasi Bahrayndan 28:24 hisobida ustun kelib Osiyo chempioniga aylandi. Bronza medali uchun kechgan murosasiz bahsda esa Koreya Respublikasi gandbolchilari bitta to'p farqi bilan Eron terma jamoasidan ustun kelishdi - 29:28.