Qatar TotalEnergies Open. Azarenko Elena Ostapenkoni sezmadi

WTA reytingida 31-pog'onada borayotgan belaruslik Viktoriya Azarenko 1/8 finalda dunyoning 11-raketkasi, latviyalik Elena Ostapenkoni ortiqcha qiyinchiliksiz mag'lubiyatga uchratdi - 6/0, 6/3. Viktoriya Elenaga noqulay raqib bo'lib qolmoqda. O'zaro o'tkazilgan barcha 5 ta uchrashuvda Azarenkoning qo'li baland kelgan.  

Sakson sakkiz daqiqa davom etgan kechagi bahsda Azarenko 6, Ostapenko 1 ta eys zarbasini amalga oshirgan. Qo'shxatolar latviyalik tennis malikasida ko'proq bo'ldi - 8 ga 3. Breyklar bo'yicha mutlaq ustunlik belaruslik tennischida bo'ldi - 4 ga 0.