Qirg'iz Respublikasi bilan hamkorlikda tashkil etiladigan xokkey chempionati bo'yicha yangi malumotlar berildi

Biroq, kutilmaganda Qirg'iz tomoni bu malumotlarni ijtimoiy tarmoqlardan o'chirib tashladi. Vaziyatdan xabardor manba bo'lmish "Aziya Sport" nashri bunga quyidagicha munosabat bildirdi: 

"Turnir baribir bo'lib o'tadiganga o'xshaydi. Qirg'izistonlik hamkasblarimiz Federaciya vice-prezidenti Elzar Bolotbekov bilan bog'lanishdi. Uning aytishicha, turnir bo'ladi. Musobaqa O'zbekiston Ochiq chempionati deb nomlanadi. O'zbeklar qozoqlar qilishi kerak bo'lgan ishni qilishmoqda — Markaziy Osiyo mamlakatlari Ligalarini birlashtirishmoqda. Keyingi yili turnir nomi o'zgartirilishi rejalashtirilgan. U "CHegaralararo chempionat" deb nomlanadi. Xalqaro xokkey federaciyasi buni allaqachon tasdiqlagan. 2025 yil noyabr va dekabr oylarida hamda 2026 yil yanvar va fevral oylarida bo'lib o'tadigan turnirning dastlabki bosqichida beshta jamoaning har biri 14 ta uy va safar o'yinlarini o'tkazadi. SHundan so'ng, eng yaxshi to'rtta jamoa yarim finalga yo'l oladi", deyiladi xabarda. 

Malum bo'lishicha, O'zbekiston ochiq chempionatida mamlakatimizdan "Humo" (Toshkent), "Binokor" (Toshkent) va "SHerdor" (Samarqand) ishtirok etadi. Qirg'iz Respublikasining "SDYUSHORSI Alga" va "Uchur" klublari ushbu ochiq chempionatda mehmon jamoalar sifatida qatnashadi.