Qirg'iziston terma jamoasi Toshkentga 3 nafar legionersiz tashrif buyurdi

Bo'lajak uchrashuvdan oldingi tayyorgarlik jarayonida Valeriy Kichin, Alimardon SHukurov va Viktor Mayerlar ishtirok etishmaydi.

Ular keyinroq, JCH-2022ga saralashi doirasidagi Yaponiya va Tojikiston bilan o'yinga tayyorgarlik ko'rish uchun Bishkekka etib kelishadi.

Qirg'iziston milliy terma jamoasining o'rtoqlik o'yini doirasidagi O'zbekiston, OK-2023 va JCH-2022 saralashi doirasidagi Yaponiya va Tojikiston termalariga qarshi o'yinlar uchun tarkibi:

Darvozabonlar: Valeriy Kashuba, Pavel Matyash, Kutman Kadirbekov (hammasi – «Dordoy»)

Himoyachilar: Valeriy Kichin («Dinamo-Minsk», Belarus), Viktor Mayer («Videnbryuk», Germaniya), Ayzar Akmatov, Azamat Baymatov, Aleksandr Mishhenko, Mustafa Yusupov (hammasi – «Dordoy»), Tamirlan Kozubaev («PKNS», Malayziya), Akramjon Umarov («Alay»)

Yarim himoyachilar: Odiljon Abduraxmanov («Alay»), Alimardon SHukurov («Boluspor», Turkiya), Axlidin Isroilov (klubsiz), Baxtiyar Duyshobekov («Bashundxara Kingz», Bangladesh), Edgar Bernxardt («Kedax», Malayziya), Murolimjon Axmedov, Farxat Musabekov, Bekjan Sagynbaev, Jyrgalbek uulu Kayrat (hammasi – «Dordoy»), Guljigit Alikulov («Neman», Belarus).

Hujumchilar: Vitaliy Lyuks («Ulm 1846», Germaniya), Mirlan Murzaev («Dordoy»).

Eslatib o'tamiz, O'zbekiston va Qirg'iziston terma jamoalari o'rtasidagi o'rtoqlik o'yini 9 noyabr kuni "Paxtakor" stadionida bo'lib o'tadi.