“Qirol Kubogi”. Hasanboy Do'smatov g'alaba bilan boshladi va boshqa natijalar

Dunyoning 18 davlatidan charm qo'lqop ustalari qatnashayotgan xalqaro turnirda O'zbekiston terma jamoasi bokschilari ham kuchli tarkib bilan ishtirok etishyapti.

Musobaqaning birinchi kuni hamyurtlarimizdan Jasurbek Latipov, SHahram G'iyosov va Isroil Madrimov raqiblarini mag'lubiyatga uchratishgan edi. Kecha esa 4 nafar bokschimiz ringga ko'tarilishdi.

Rio Olimpiadasi chempioni Hasanboy Do'smatov filippinlik Paalam Sarloni 3:0 hisobida engdi. Yana bir Olimpiada chempioni SHahobiddin Zoirov esa Xitoy Taypeyi vakili Kao SHin Yondan xuddi shu hisobda ustun keldi.

Rio-2016 Olimpiadasi sovrindori Murodjon Ahmadaliev filippinlik Jeyms Palistega hech qanday imkoniyat qoldirmadi - 3:0. Elnur Abduraimov turkmanistonlik Zufar Saparbaevni 3:0 hisobida engdi.