Qizlarimiz Osiyo Kubogida faxrli ikkinchi o'rinni egallashdi

Yaqinda chim ustida xokkey bo'yicha erkaklar terma jamoamiz Qirg'izistonda bo'lib o'tgan xalqaro turnirda uchinchi o'rinni qo'lga kiritib, sovrin bilan ortga qaytgandi. Bu gal esa ayollar terma jamoamiz sovrinning qiymatini yanada oshirishgan holda, Singapurda tashkil etilgan Osiyo Kubogida faxrli ikkinchi o'ringa sazovor bo'lib, kumush medal bilan taqdirlandi.

Singapur, Xitoy Taypeyi, Bangladesh, SHri Lanka, Gongkong va O'zbekiston termalari ishtirok etgan musobaqada hamyurtlarimiz faqat maydon egalariga imkoniyatni boy berishdi, Xitoy Taypeyi bilan esa tashabbusga ega bo'lgan holda durang natija bilan kifoyalanishdi.

Mazkur musobaqa 2020 yilgi Yaponiyada bo'lib o'tadigan Osiyo o'yinlari finaliga saralash uchun yo'llanma berishi bilan ham ahamiyatli edi. Xokkeychi qizlarimiz buning uddasidan chiqishdi – Osiyo o'yinlari saralash uchrashuvlariga yo'llanma olishdi.

Etiborli jihati, terma jamoamiz azosi Sabina Adizova musobaqaning eng yaxshi o'yinchi deb topildi va maxsus mukofot bilan taqdirlandi.

Hamyurtlarimiz ishtirokidagi o'yinlar natijalari:

O'zbekiston – Gonkong – 5:0

Gollar: Komila Adizova (24), SHahrizoda Qahramonova (38, 59), Zulfiyaxon Hasanboeva (44), Gulruh Ramazonova (51).

Singapur – O'zbekiston – 1:0

O'zbekiston – Bahrayn – 6:0

Gollar: Zulfiya Hasanboeva (2, 15), Sabina Adizova (17), Gulruh Ramazonova (30, 45), SHahrizoda Qahramonova (54).

Xitoy Taypeyi – O'zbekiston – 2:2

Gollar: Komila Adizova (7, 52)

O'zbekiston – SHri-Lanka – 8:0

Gollar: Zulfiyaxon Hasanboeva (13, 14, 59), Komila Adizova (19), SHahrizoda Qahramonova (34, 54), Sabina Adizova (57), Istamoy Pirakova (58).