Qo'l jangi. O'smirlarimiz Rossiyada 34ta medal qo'lga kiritishdi+FOTO

Unda 19 davlatdan eng sara qo'l jangi ustalari g'oliblik uchun bahs olib borishdi. Bahslar 3 ta yosh toifasida o'tkazildi. Mazkur turnirda O'zbekiston o'smirlar terma jamoasi ham to'liq tarkib bilan ishtirok etdi. 

12-13 yoshli sportchilar o'rtasida o'tkazilgan bahslarda vakillarimiz tomonidan 3 ta oltin, 5 ta kumush va 4 ta bronza medali qo'lga kiritildi.14-15 yoshli sportchilar o'rtasidagi bahslarda esa vakillarimiz 2 ta bronza va 5 ta kumush medalgni qo'lga kiritishgan bo'lishsa, 4 marotaba shohsupaning eng yuqorisiga ko'tarilishdi. 

16-17 yoshli sportchilar o'rtasida o'tkazilgan bahslarda esa sportchilarimiz 4 ta oltin, 5 ta kumush va 1 ta bronza medalini qo'lga kiritishdi. Yakunda 11 ta oltin, 15 ta kumush va 7 ta bronza medallari bilan taqdirlangan o'zbekistonlik qo'l jangi ustalari umumjamoa hisobida ikkinchi o'rinni egallashdi. 

Birinchi o'rin mezbon rossiyalik sportchilarga tegishli bo'ldi. Qozog'istonlik o'smirlar esa medallar jamg'arish bo'yicha uchinchi natijani qayd etishdi. 

Eslatib o'tamiz, Ruminiyaning Buxraest shahrida o'tgan yili bo'lib o'tgan jahon chempionatida vakillarimiz 15 ta medalni qo'lga kiritgan holda, umumjamoa hisobida birinchi o'rinni qo'lga kiritishgan edi.