Qo'l jangi. Sportchilarimiz Osiyo chempionatiga tayyor

SHu munosabat bilan poytaxtimizda matbuot anjumani o'tkazildi. Unda mamlakatimiz huquqni muhofaza qilish organlari qo'l jangi federaciyasi vakillari, sportchi va murabbiylar, ommaviy axborot vositalari xodimlari qatnashdi.

Anjumanda mamlakatimizda yosh avlodni jismonan va manan sog'lom insonlar etib tarbiyalash, Vatanimiz obro'sini, xalqimiz g'urur-iftixorini yanada yuksaltirishning muhim omili bo'lgan sportni rivojlantirishga alohida etibor qaratilayotgani takidlandi.

O'zbekiston Respublikasi Jismoniy tarbiya va sport davlat qo'mitasi hamda mamlakatimiz huquqni muhofaza qilish organlari qo'l jangi federaciyasi tomonidan tashkil etilayotgan nufuzli musobaqada qitamizning o'ndan ziyod davlatidan yuzdan ortiq sportchi 16 vazn toifasida g'oliblik uchun bahs olib boradi.

Osiyo chempionatida mamlakatimiz sharafini Ramazon Temirov, Husniddin Sattorov, SHahboz Tursunov, G'iyosiddin Jamoliddinov, Olim Normurodov, Ravshan Abdulazizov, Muhiddin Mamajonov, Nozim Eminjonov, Jahongir Jumaev, Alpomish Qurbonnazarov, Hasan Bozorov, Murtazobek Mamashokirov, Jamshid Rahmonaliev, Elbek Eshmurodov, Botir Xo'jabekov, Salohiddin Ibrohimov, Ilyos Raimov, Bahrom Mahmudov kabi sportchilar himoya qiladi.