Qo'l jangi ustalarimiz Jahon kubogida 15 ta medal qo'lga kiritishdi, shundan 6 tasi oltin!

Sayyoramizning eng kuchli sportchilari ishtirok etgan mazkur musobaqada O'zbekiston terma jamoasi vakillari ham munosib tarzda yurtimiz sharafini himoya qilishdi. Musobaqada dunyoning 26 davlatidan 200 nafar atletlar g'oliblik uchun bahs olib borishdi. 

Jahon kubogi yakunlariga ko'ra terma jamoamiz azolaridan o'z vazn toifalarida SHohida Rahimova, Maftuna Quvondiqova, Jamshid Rahmonaliev oltin, Jahongir Jumaev, Dilmurod Ho'jamberdiev kumush, Amrillo Jo'raev, Ilyos Komilov, Farhod Jo'raev, Murtazobek Mamashokirov bronza medalini qo'lga kiritishdi. 

Turnir davomida   faxriylar o'rtasida ham musobaqa tashkil etildi. Unda faxriy qo'l jangi ustalarimizdan Husan Ergashev, Bahrom Abdullaev oltin medalga ega chiqishgan bo'lsa, Muzaffar Yusupov o'z vaznida kumush medal sohibiga aylandi. Bahrom Mullaboev esa bronza medalini qo'lga kiritdi. Rasul Jo'raev esa turli yo'nalishlarda birinchi va ikkinchi o'rinni egallashga muvaffaq bo'ldi. 

Yakunda terma jamoamiz azolari 6 ta oltin, 4 ta kumush, 5ta bronza medal, jami 15 ta medal bilan umumjamoa hisobida ikkinchi o'rinni egallashdi.