Qorako'l tumani olimpiya va milliy sport turlari bo'yicha davlat ixtisoslashtirilgan maktab-internatiga hujjatlar qabul qilinmoqda

Jismoniy tarbiya va sport vazirining joriy yil 27 iyuldagi tegishli buyrug'i bilan ushbu muassasaga 2019/2020 o'quv yili uchun qabul rejasi tasdiqlandi.

Buyruqqa asosan, Qorako'l tumani olimpiya va milliy sport turlari bo'yicha davlat ixtisoslashtirilgan maktab-internatiga 2019/2020 o'quv yili uchun quyidagi yo'nalishlar bo'yicha hujjatlar qabul qilinmoqda:

Muassasaga hujjatlar 2019 yil 20 iyuldan 10 avgustgacha (shu kuni ham) qabul qilinadi hamda kirish imtihonlari 15-22 avgust kunlari o'tkaziladi.

Hukumat qaroriga asosan maktab-internatning asosiy vazifalari etib quyidagilar belgilangan:

olimpiya va milliy sport turlari bo'yicha yangi ilmiy-metodik tavsiyalar va yutuqlar asosida sport zaxiralarini, terma jamoalarga yuqori mahoratli sportchilarni tayyorlash;

davlat talim standartlari, o'quv reja va dasturlari talablari asosida o'quvchilarning talim tayyorgarligini taminlash;

zarur hollarda olimpiya sport turlari bo'yicha xorijiy trenerlar va mutaxassislarni taklif qilgan holda ilg'or ilmiy-metodik tavsiyalar asosida yosh sportchilarni tayyorlash borasida o'quv-mashq jarayonlarini yuqori darajada tashkil etish;

o'quvchilarning jismoniy tayyorgarligi va texnik-taktik ko'nikmalarini takomillashtirish, professional fazilatlarini rivojlantirish, shuningdek sportni rivojlantirish xalqaro talablariga muvofiq holda O'zbekiston milliy terma jamoalari zaxirasini tayyorlash darajasini oshirish;

o'quvchi-sportchilar va trenerlar tarkibining professional mahoratini oshirish uchun xorijiy sport maktablari va klublari bilan tajriba almashish bo'yicha hamkorlikni kengaytirish.

Jismoniy tarbiya va sport vazirligi Matbuot xizmati