Qoraqalpog'istonlik sportchi qizlarga Prezident sovg'alari topshirildi

Prezidentimiz rahnamoligida sport, ayniqsa, bolalar sportini rivojlantirish, iqtidorli yoshlarni har tomonlama qo'llab-quvvatlash, ularning istedod va salohiyatini namoyon etishi uchun zamonaviy sharoitlar yaratishga alohida etibor qaratilayotgani takidlandi.

Birinchi Prezidentimiz Islom Karimov tashabbusi bilan tashkil etilgan O'zbekiston Bolalar sportini rivojlantirish jamg'armasi mablag'lari hisobidan barpo etilib, zamonaviy jihozlar bilan taminlangan muhtasham sport inshootlari umumtalim va o'rta maxsus, kasb-hunar talimi muassasalari o'quvchilarining sport bilan muntazam shug'ullanishi, eng muhimi, har tomonlama sog'lom ulg'ayshiga xizmat qilmoqda.

Bu boradagi ishlar ko'lamini yanada kengaytirishda davlatimiz rahbari SHavkat Mirziyoevning joriy yil 15 fevraldagi “Madaniyat va sport sohasida boshqaruv tizimini yanada takomillashtirish chora-tadbirlari to'g'risida”gi farmoni muhim ahamiyat kasb etmoqda.

Prezidentimiz sovg'asini olgan qizlar safida Nukus shahridagi 9-umumtalim maktabining 9-sinf o'quvchisi Oygul Berdaqova ham bor. U to'rt yildan buyon sportning engil atletika turi bilan muntazam shug'ullanib keladi. Bir necha bor Qoraqalpog'iston chempioni bo'lgan Oygul 2016 yili Qarshi shahrida o'tkazilgan O'zbekiston chempionatida 800 metrga yugurish bo'yicha birinchi o'rinni egallab, oltin medalni qo'lga kiritdi.

– Prezidentimiz sovg'asi bizni yangi marralar sari ruhlantiradi, – deydi u. – Bizga ko'rsatilayotgan bunday yuksak etibor va ishonchni oqlab, kelgusida O'zbekistonimiz sharafini xalqaro miqyosda yanada ulug'lashga hissa qo'shish asosiy maqsadimizdir.

Qoraqalpog'istonlik 8 ming 330 ga yaqin sportchi qizga Prezident sovg'alari topshirildi.