Qoyil! Tohirjonova jahon chempionatining 1/4 finaliga yo'l oldi

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Ushbu jahon chempionatida yurtimiz sharafini yagona vakilamiz, ayollar o'rtasida xalqaro grossmeyster Gulruhbegim Tohirjonova muvaffaqiyatli himoya qilyapti. 

Gulruhbegim birinchi va ikkinchi davrada g'alaba nashidasini surgandi. Istedodli shaxmatchimiz 1/8 final bosqichining ilk partiyasida ham g'alabaga erishdi. U rossiyalik xalqaro grossmeyster Valentina Guninani oq donalarda mag'lub etdi. Lekin ikkinchi partiyada qora donalarda harakat qilgan Gulruhbegim mag'lubiyatga uchradi. 

Hal qiluvchi tay-brekda esa shaxmatchimiz kuchli raqibasini mag'lub etdi va 3:1 hisobidagi g'alabadan so'ng chorak finalga yo'l oldi. Bugun Tohirjonova yarim final ostonasida xitoylik Czyuy Venczyunga qarshi dona suradi. CHin yurti vakilasi birinchi raqam ostida tasniflangan. 

CHorak final juftliklari:

Czyuy Venczyun – Gulruhbegim Tohirjonova

Mariya Muzichuk – Abdumalik

Katerina Lagno – Ley Tincze

Aleksandra Kostenyuk – Anna Muzichuk