Qozog'iston og'ir aletikasidagi og'ir "katastrofa", tarixda ilk bor Olimpiadada yon qo'shnilarimiz bo'lishmaydi

Parij-2024 Olimpiadasiga borish uchun so'nggi imkoniyat Sergey Petrovichda bo'lgandi. Lekin u murabbiylar "sharofati" bilan "C" guruh bahslarida qatnashdi va oltinchi o'rinni egalladi. Uning bu natijasi o'z reytingida kuchli o'ntalikka kirish uchun etarli bo'lmadi. Petrovich egallab turgan 12-o'rin Olimpiadada qatnashish imkoniyatini bermaydi.

Qozog'iston matbuotida yozilishicha, bunga Qozog'iston og'ir atletikasi tizimidagi xatoliklar sabab bo'lgan. Mayya Maneza, Ilya Ilin, Zulfiya CHinshanlo, Svetlana Podobedova doping sabab medallardan mahrum bo'lib, uzoq muddatga katta sportdan chetlatilgan. Ular hamon mamlakatda "qahramon" sifatida eslanadi.  

O'sha xabarning davomida endi nima qilish kerak? degan savol o'rtaga tashlanadi. Javobni ham o'zlari berishadi: o'zgarish kerak, 50 yildan beri eski tizimda ishlab kelayotganlarni haydash, O'zbekiston tanlagan yo'ldan borish lozim. O'zbekiston dopingsiz ham bunga erishish mumkinligini isbotladi. Akbar Jo'raev yolg'on gapirishimizga yo'l qo'ymaydi.