Qozog'iston xokkeyida mojaro: "Torpedo" legioneri jamoadoshini o'ldirganlikda gumon qilinyapti

"2024 yilning 2 avgust kuni "Torpedo" (Ust-Kamenogorsk) yoshlar jamoasi darvozaboni Ivan Pilyonok vafot etdi. U 19 yoshda edi. Pilyonok 2022/23 yilgi mavsumda asosiy jamoa tarkibida ikkita o'yin o'tkazishga muvaffaq bo'lgan. Klub Pilenyok "Muz sporti saroyi"da kasal bo'lib qolgani, shifokorlar va xodimlar birinchi tibbiy yordam ko'rsatib, tez yordam chaqirgani va u kasalxonada vafot etgani haqida xabar bergan edi.

Endilikda Pilenyokning o'limi oldidan rossiyalik "Torpedo" hujumchisi Andrey Lagunov bilan bo'lgan mojarosi aks etgan video paydo bo'ldi. Orda.kz nashrining yozishicha, mojaroga ishdan chiqqan havo sovutgichi sabab bo'lgan. Janjaldan keyin Pilyonok yiqilib, hushini yo'qotganini ko'rish mumkin. 24 yoshli Lagunov Qozog'istonda 2017 yildan beri o'ynab kelmoqda: u "Torpedo" yoshlar jamoasiga kelib, bir mavsumga "Ladya" (MXL) va Qarag'andaning "Sariarka" klublariga borib kelgan. O'tgan mavsumda u 51ta o'yin o'tkazib, 18+19 ochko jamg'argan va "Torpedo" bilan Qozog'iston chempionatining kumush medali sohibiga aylangandi.

Ikki tomonning advokatlariga ko'ra, tergov ishi yakuniga etgan. Marhumning yaqinlari tergovchilar mazkur holatda Lagunov foydasiga qaror chiqarganini takidlamoqda. Andreyning o'zi esa sud uni aybdor deb topgan holatda aybiga iqror bo'lishga va jazo olishga tayyor ekanini bildirgan.

Sud qachon bo'lib o'tishi esa nomalum.