Qozog'iston XXXII Butunjahon qishki Universiadada 103 sportchi bilan qatnashadi

23 yanvarga qadar davom etadigan ushbu kompleks musobaqada dunyoning 57 davlatidan 2000 nafarga yaqin sportchi 11 sport turida 96 ta medallar jamlanmasi uchun bahslarga kirishadi. Universiadada Qozog'iston delegaciyasi 103 nafar sportchi bilan ishtirok etadi. Ular biatlon, short-trek, chang'i poygasi, figurali uchish, fristayl, tog' chang'i sporti, erkaklar va ayollar xokkey turnirlarida medallar uchun bahs olib borishadi. 

Malumot uchun, Qozog'iston terma jamoasining qishki Universiadadagi eng yaxshi natijasi 2017 yili Almatida o'tgan musobaqaga to'g'ri keladi. Qo'shnilarimiz o'z uylaridagi Universiadada 11 ta oltin, 8 ta kumush, 17 ta bronza, jami 36 ta medal bilan umumjamoa hisobida 2-o'rinni band etishgandi. 

XXXII Butunjahon qishki Universiadada O'zbekiston sport delegaciyasi ishtirok etmaydi. Bizga xabar berishlaricha, asosiy etibor bir oydan so'ng Xitoyning Xarbin shahrida o'tkaziladigan IX Qishki Osiyo o'yinlariga qaratilgan ekan.