Qozog'istonlik deputat o'zbek va qozoq bokschilarining Parij Olimpiadasidagi ishtirokini taqqosladi

"7 nafar o'zbekistonlik bokschi chorak finalga chiqdi. Bizda esa faqatgina Nurbek Oralbay chorak finaldan o'tdi. Bu sharmandali holat. Qozog'iston boks derjavasi sifatida gavdalanishi kerak. SHuningdek aybni hakam va tashkilotchilardan izlash noto'g'ri. 

Agar haqiqatdan ham kuchli bo'lsa, xech kim g'alabani tortib ololmaydi. O'zbeklarni hakamlar "tortib chiqishdi" deya olmaymiz. Ular ringda "yonishyapti". Ular borini berib, oxirigacha kurashmoqda. Bizning yigitlarda esa bunaqasini ko'rmadim. Albatta bunda murabbiylar va bosh murabbiyning aybi bor. Agar sportchida g'urur, xarakter, milliy rux bo'lmasa, qiyin. 

Bokschilarni faqatgina pul bilan ushlab turish mumkin emas. Jamoaga ko'zi yonadigan yigitlarni taklif qilish kerak. Davlat bokschilar bemalol, boshqa narsani o'ylamay shug'ullanishlari uchun sharoit yaratib qo'ygan. Biroq, natija nol. Tokio Olimpiadasidagi xatolardan xulosa chiqarmadik. SHu sababli, sport sohasi islohotlarga muhtoj. Ularning o'rniga professionallar, sportni tushunadiganlar kerak. 

CHetdan taklif qilingan murabbiylar va legionerlarga faqat qozoq pullari kerak. Kun kelib shartnoma yakunlanadi va ular ketishadi. Qozog'iston boksining rivojlanishidan faqat qozog'istonliklarning o'zi manfaatdor", - deb yozdi Kaskarauov.