29 avg 13:24
Yangiliklar

Boshqalar

Qozonda birinchi MDH davlatlari o'yinlari o'tkaziladi

Teglar : MDH o'yinlari

Unda O'zbekiston sport delegaciyasi tarkibi 15ta sport turidan 240 kishini tashkil qiladi.

O'zbekiston Respublikasi Prezidentining 2019-yil 16-apreldagi “Xalqaro shartnomalarga qo'shilish to'g'risida”gi qaroriga muvofiq Mustaqil Davlatlar Hamdo'stligi ishtirokchi davlatlarining jismoniy tarbiya va sport sohasida hamkorlik to'g'risidagi bitim imzolangan.

SHuningdek, MDH mamlakatlari o'yinlarini o'tkazish g'oyasi Rossiya Federaciyasi tomonidan ilgari surilgan. Bu taklif 2018-yil 28-sentyabrda Tojikiston poytaxti Dushanbe shahrida o'tkazilgan MDH davlatlari rahbarlari Kengashi yig'ilishida qo'llab-quvvatlangan.

SHunga muvofiq, joriy yil 4-11 sentyabr kunlari Rossiyaning Qozon shahrida birinchi Mustaqil Davlatlar Hamdo'stligi davlatlari o'yinlari bo'lib o'tadi.

Unda MDHga azo 10 ta (Rossiya, Armaniston, Ozarbayjon, Moldova, Belarus, Qozog'iston, Qirg'iziston, Tojikiston, Turkmaniston va O'zbekiston) davlatdan jami 2 000 nafar ishtirokchi (shundan 1 500 nafari sportchi) ishtirok etishi kutilmoqda. Sportchilarning yoshi 14dan 23gacha bo'lishi qatiy belgilab qo'yilgan.

Birinchi MDH davlatlari o'yinlari dasturidan sportning 16 ta turi, yani boks, stol tennisi, erkin va yunon rum kurashi, belbog'li kurash, koresh, sambo, dzyudo, muay-tay, karate, basketbol, o'q otish, badminton, futbol, raqs sporti va badiiy gimnastika o'rin olgan bo'lib, ishtirokchilar 182 ta medallar jamlanmasi uchun kurashadi. Bahslarni 400 nafar hakam boshqarib borsa, o'yinlarning xavfsiz o'tishini taminlash uchun 10 000 nafar volonterlar jalb etilishi rejalashtirilgan.

Ushbu o'yinlarni o'tkazishdan ko'zlangan asosiy maqsad – xalqlar o'rtasida ananaviy tarzda o'rnatilgan do'stona aloqalarni mustahkamlash va Mustaqil Davlatlar Hamdo'stligi davlatlarining jismoniy tarbiya va sport sohasida hamkorlik to'g'risidagi bitimni amalga oshirishdan iborat.

Malumot uchun: birinchi MDH davlatlari o'yinlari uchun O'zbekiston sport delegaciyasi tarkibi 240 nafarni tashkil qilib, vakillarimiz 15 ta sport turidan bahslarda ishtirok etadi. Vakillarimizdan 55 nafarini yakkakurash turlari vakillari tashkil etadi.