Rafael Nadal 20 yil deganda ilk bor Devis Kubogida yutqazdi

Ispaniyalik afsona 1/4 finalda ATP reytingining 80-pog'onasida borayotgan niderlandiyalik Botika van de Zandshulpga imkoniyatni boy berdi - 4/6, 4/6. Rafa 2004 yildan keyin ilk bor Devis Kubogida mag'lubiyatga uchradi. 

Etiborlisi, Nadal bundan roppa-rosa 20 yil avval chexiyalik Irji Novakdan engilgandi. O'shandan beri u yakkalik bahslarida 29 ta uchrashuv o'tkazib, barchasida zafar quchib kelayotgan edi. Nadal Ispaniya terma jamoasi bilan 2004, 2008, 2009, 2011 va 2019 yillarda Devis Kubogini qo'lga kiritgan.