29 may 12:29
Yangiliklar

Tennis

Rafael Nadal ECHL finalini VIP tribunadan tomosha qildi + FOTO

"Katta Dubulg'a" turnirlarining 21 karra chempioni Rafael Nadal ECHL finali doirasidagi "Real" - "Liverpul" uchrashuvini jonli ravishda kuzatdi.

Aynan Parij shahrida o'tkazilayotgan tennis bo'yicha "Katta Dubulg'a" turkumiga kiruvchi "Rolan Garros" turnirida muvaffaqiyatli ishtirok etayotgan Nadal "Stad de Frans" stadioniga tashrif buyurdi. Nadal bilan bitta VIP-lojada "Qirollik klubi"ning sobiq yulduzi Ronaldo ham finalni tomosha qilgan.

Tabiiyki, Rafael Nadal Ronaldo bilan birga "Real"ga muxlislik qilgan. Uchrashuvda madridliklar 1:0 hisobida g'alaba qozonib, ECHL bosh sovrinini qo'lga kiritishdi. Bugun Nadal "Rolan Garros" turnirining to'rtinchi davrasida kanadalik Feliks Ojega qarshi kortga chiqadi.