17 apr 10:43
Yangiliklar

Tennis

Rafael Nadal "Masters" 1/4 finalida mag'lub bo'ldi

Monako Qirolligining Monte-Karlo shahrida "Masters" seriyasiga kiruvchi nufuzli turnir davom etmoqda.

Biroz kutilmaganda dunyoning uchinchi raketkasi, ispaniyalik Rafael Nadal chorak finalda sayyoramizning sakkizinchi raqamli tennischisi, rossiyalik Andrey Rublyovga imkoniyatni boy berib qo'ydi.

Rolex Monte-Carlo Masters turnirida muvaffaqiyatli odimlayotgan Rublyov nomdor raqibini 6/2, 4/6, 6/2 hisoblarida mag'lubiyatga uchratdi. Ikki soatu 33 daqiqa davom etgan bahsda Andrey 2 ta , Rafa esa 1 ta eys zarbani amalga oshirdi. Endi Rublyov Monte-Karlo "Masters" yarim finalida norvegiyalik Kasper Ruudga qarshi kortga chiqadi.