Rafael Nadal US Open startida g'alabaga erishdi

Sayyoramizning ikkinchi raketkasi ilk davra uchrashuvida avstraliyalik Jon Millmanga qarshi kortga chiqdi. Nadal 2 soatu 8 daqiqa davom etgan bahs yakunida reytingning 60-pog'onasida borayotgan raqibini 6/3, 6/2, 6/2 hisobida taslim etdi.

33 yoshli Rafael 6 ta eys zarbasini amalga oshirdi. Ispaniyalik raketka ustasi o'zaro uchashuvlarda 2:0 hisobida oldinga chiqib oldi. Endi Nadal ikkinchi bosqich uchrashuvida belaruslik Ilya Ivashkadan 6/3, 7/6(8), 6/7(4), 6/2 hisobida ustun kelgan yana bir avstraliyalik tennischi Tanasi Kokkinakisga qarshi kortga chiqadi.