Rafael Nadalning amakisi tennischi nega ATP Finals turnirining pley-offiga chiqa olmaganini tushuntirdi

"Rafael Turinga kelgach, uning yaxshi tayyorgarlik ko'rmaganini darhol angladim. Bu holatda muvaffaqiyatga umid qilish juda qiyin. 

"Katta Dubulg'a" turnirlarida bunday muammo yo'q, chunki u erda siz kuchsizroq raqiblar bilan o'ynab, asta-sekin turnirga kirishib ketishingiz mumkin. Biz ko'pincha Dubulg'a turnirida ikkinchi haftaga qaraganda birinchisi Rafael uchun qiyinroq bo'lishini aytamiz. Ammo, bu erda hamma narsa boshqacha, chunki birinchi o'yinda siz dunyodagi eng yaxshi tennischilardan biri bilan o'ynaysiz. Keyin qayta yutish juda qiyin bo'ladi", - dedi Toni Nadal.

SHuningdek, Toni Kasper Ruudning o'yinidagi o'sish haqida gapirdi.

"Kasper bizning akademiyamizga kelgani esimda. Uning orqa qo'lida muammolar bor edi, chunki u  mashqlarni noto'g'ri bajarar edi. Vaqt o'tishi bilan u buni o'zgartirdi. Men unga har doim qattiq harakat qilish kerakligini aytganman. Qarang, u hozir qanday yaxshi o'yinchi.

U yildan-yilga o'sib bormoqda. Ilgari u dunyoning ikkinchi raketkasi bo'lishini orzu ham qila olmasdi. Bu yil uning ko'plab uchrashuvlarini ko'rdim va aytishim mumkinki, u ajoyib tennischiga aylandi. Kelajakda u dunyoda 1-raqamga aylanishi mumkin. U har qanday zarbani bemalol qaytara oladi", - deya qo'shimcha qildi Toni.