Ramazon Temirov oktagonga chiqadigan UFC turnirining markaziy jangi bekor bo'ldi

Oqshomning markaziy jangi o'ta engil vazn toifasida UFC kamari uchun sobiq davogar Brendon Royval hamda Manel Kape o'rtasida bo'lib o'tishi kerak edi. Ammo amerikalik aralash yakkakurash ustasi mashg'ulot paytida jarohat orttirib oldi va buning natijasida jangdan "echildi". 

Royval bu holat uchun ijtimoiy tarmoqdagi sahifasi orqali tashkilotchilar va muxlislardan kechirim so'radi. 

"Afsuski, jangda ishtirok eta olmayman. Jarohat oldim va bu yog'iga mashg'ulotlarni davom ettira olmayman. Manel Kapel va muxlislardan buning uchun uzr so'rayman. Hozirgi holatimda uch haftadan keyin o'tkazadigan jangimga munosib tarzda tayyorgarlik ko'ra olmayman", - dedi reyting peshqadami Royval. 

Hozircha UFC bu holat bo'yicha yakuniy qarorini elon qilmadi. Manel Kapega yangi raqib beriladimi yoki bu jangning o'zi boshqa sanadagi turnir kardiga ko'chirildimi, bu ham nomalum. 

Eslatib o'tamiz, UFC Fight Night 253 turniri doirasida hamyurtimiz Ramazon Temirov dunyoning eng kuchli ligasidagi o'zining ikkinchi jangini o'tkazadi. Aralash yakkakurash ustamizning raqibi UFC reytingida 15-o'rinni egallab turgan amerikalik CHarlz Jonson bo'ladi.