Ramazon Temirov: "Raqibim juda kuchli edi. Top-15'ga kirdik, degan umiddaman"

Hamyurtimiz 2 mart tongida Las-Vegasda bo'lib o'tgan UFC Fight Night turniri doirasida reytingning 15-o'rnidagi amerikalik CHarlz Jonsonni ochkolar hisobiga ko'ra mag'lub etgandi.

"Juda ham xursandman. Oldimizga qo'yilgan vazifa bajarildi. Raqibim kuchli jangchi edi. Top-15 reytingga kirdik, degan umiddaman. Raundlarni yutganimni bildim, sababi, jangda tekkizgan zarbalarimni his qildim. Uchta raundni ham yutdim, deb o'ylayman. Uch raundlik jangga reja qilib chiqqandim. Lekin jangimiz bunchalik tez bo'lib ketadi, deb o'ylamagan edim. Raqibimga yo'llagan zarbalarimni ko'pi tegmay qoldi, bu esa menga jang davomida noqulaylik tug'dirdi. Agar o'zim xohlaganimdek bo'lganida, muddatidan oldin yiqitishim mumkin edi uni. O'zim xohlaganimdek jang qilolmadim, lekin bundan yaxshiroq jang qilishga qodirman", deydi Temirov.