Ramazon Temirov UFC'da g'alaba qozongan oltinchi o'zbekistonlik jangchiga aylandi

Ilk bor Mahmud Muradov 2019 yilning 28 sentyabr kuni UFC on ESPN+ 18 turniri doirasida italiyalik Alessio Di CHirikoni ochkolar hisobiga mag'lub etgan edi. SHundan so'ng, Mahmud UFC'da yana 4 ta g'alaba va 2 ta mag'lubiyat qayd etgan holda shu yilning may oyida liga bilan xayrlashdi.

2020 yilda esa o'zbekistonlik ayol sportchilar orasida birinchi va hozircha oxirgi bo'lib Liliya SHakirova UFC oktagonida jang qildi. U ligadagi yagona jangida Loren Myorfiga imkoniyatni boy bergan edi.

2021 yil iyul oyida Zarruh Adashev (4-4), avgustda esa Saidyoqub Qahramonov (11-3) UFC'da g'alaba qozondi. Hozirda ularning har ikkisi sobiq jangchilar hisoblanadi.

2023 yilda esa Nursulton Ro'ziboev, Bogdan Guskov kabi sportchilarimiz o'z chiqishlarida o'zbekistonlik muxlislarni g'alaba bilan xursand qildi.

Kecha tongda Ramazon Temirov UFC'dagi debyut jangida amerikalik Si Jey Vergarani birinchi raundda nokautga uchratib, mazkur tashkilotda g'alaba qozongan oltinchi o'zbekistonlik sportchiga aylandi.