Ramazon Temirov UFC'dagi ikkinchi jangi, manzili, sanasi va raqibini tasdiqladi

Hamyurtimiz 2025 yilning 1 mart kuni AQSHning Las-Vegas shahrida tashkil etiladigan UFC turniri doirasida oktagonga chiqadi. Buni saytimiz muxbiriga bergan intervyusida Temirovning o'zi tasdiqladi. 

Unga ko'ra, Ramazon Temirov Vegasdagi turnir doirasida amerikalik CHarlz Jonsonga qarshi oktagonga chiqadi. Ramazon bu jangga rozilik bergan va tayyorgarlikni allaqachon boshlab yuborgan. 

Malumot uchun, CHarlz Jonson MMAda 17 g'alaba va 8 mag'lubiyat qayd etgan. Hozirda 4 ta g'alabali seriya bilan kelmoqda. 33 yoshli Jonson so'nggi jangini shu yilning 19 oktyabr kuni UFC Fight Night 245 turniri doirasida Su Mudaerjiga qarshi o'tkazib, hakamlarning yakdil qarori bilan g'alaba qozongandi. Temirov esa 13 oktyabr kuni AQSH vakili Si Jey Vergarani birinchi raunddayoq nokautga uchratib, UFC'da muvaffaqiyatli debyut qilgan edi.