Ramos “El Klassiko”da “Real”ni mag'lubiyatdan qutqarib qoldi

Uchrashuv keskin kurashlar ostida o'tdi. O'yinnig 53-daqiqasida “Barselona” jarima zarbasidan unumli foydalandi. Neymar tomonidan oshirib berilgan to'pni Luis Suares boshi bilan darvozaga joyladi va o'yinda hisobni ochdi - 1:0.

Kataloniyaliklar o'yin davomida bir qator imkoniyatlarga ega bo'lishdi. Xususan Neymar va Messida gol urish uchun qulay vaziyatlar yuzaga kelgandi. Ammo “Barselona” hujumchilari ushbu imkoniyatlardan unumli foydalana olishmadi.

Uchrashuvning oxirgi daqiqasi o'tib borayotgan bir pallada “Real” jarima zarbasi tepish huquqini qo'lga kiritdi. Luka Modrich tomonidan amalga oshirilgan jarima zarbasidan so'ng Ramos boshi bilan darvozani aniq nishonga oldi va muvozanatni tikladi - 1:1.

SHundan so'ng “Barselona” hakam tomonidan qo'shib berilgan daqiqalarda g'alabani ilib ketishga ham yaqin kelgandi. Ammo Kazemiro “Real”ni juda qiyin pallada joniga oro kirdi.

Aynan ushbu futbolchi darvozaga kirib ketayotgan to'pni darvoza chizig'i ustidan qaytarib qolishga muvaffaq bo'ldi. SHu tariqa ushbu “El Klassiko” murosa bilan yakun topdi.

Ispaniya chempionati, 14-tur.

BARSELONA – REAL MADRID 1:1

“Kamp Nou” stadioni

Gollar: Luis Suares (53), Serxio Ramos (90)

“Barselona”: ter Stegen, Suares, Pike, Alba, Buskets, Maskerano, Rakitich (Inesta, 60), Serji Roberto, Andre Gomesh (Turan, 78), Neymar (Suares, 87), Messi.

“Real Madrid”: Navas, Varan, Marselo, Karvaxal, Ramos, Kovachich (Dias, 86), Modrich, Isko (Kazemiro, 66), Vaskes, Ronaldu, Benzema (Asensio, 77).

Ogohlantirishlar: Isko (13), Neymar (28), Suares (75), Karvaxal (80), Buskets (83), Maskerano (89).