Rapid bo'yicha jahon chempioni o'zgardi. Nodirbek "vakolat"ni topshirdi

Uch kun davomida dunyoning 178 nafar shaxmatchisi 13 turda g'oliblik yo'lida kurash olib bordi. Yakunda jahon tojdori Magnus Karlsen 13 imkoniyatdan 10 ochko jamg'arib, rapid yo'nalishi bo'yicha jahon chempioniga aylandi. Bundan avvalgi jahon chempioni Nodirbek Abdusattorov esa 8,5 ochko bilan Top-10`ni yakunlab berdi.

Rapid bo'yicha jahon chempionati. Top-10 

1. Magnus Karlsen (Norvegiya) – 10

2. Vinsent Kaymer (Germaniya) – 9,5

3. Fabiano Karuana (AQSH) – 9,5

4. Daniil Dubov (Rossiya) – 9

5. Arjun Erigaysi (Hindiston) – 9

6. Vladimir Fedoseev (Rossiya) – 9

7. Vladislav Artemev (Rossiya) – 9

8. Rixard Rapport (Ruminiya) – 9

9. Nixal Sarin (Hindiston) – 8,5

10. Nodirbek Abdusattorov (O'zbekiston) – 8,5... 

Ayollar o'rtasidagi rapid bahslarida xitoylik Tan Jongi 8,5 ochko bilan jahon chempioni bo'ldi. Qozog'istonlik Dinara Saduakasova ham 8,5 ochko jamg'ardi. Lekin qo'shimcha ko'rsatkichlarga ko'ra ikkinchi o'rinni egalladi. Kuchli uchlikka SHri Savita (Hindiston) 8 ochko bilan yakun yasab berdi.

O'zbekistonlik ayol shaxmatchilardan eng yaxshi natijani Umida Omonova qayd etdi - 30-o'rin. Jahon chempionatida 11 nafar (8 erkak, 3 ayol) o'zbekistonlik shaxmatchi o'z imkoniyatini sinab ko'rdi. So'nggi turda yosh shaxmatchimiz Afruza Hamdamova birinchi ayol grossmeysterimiz Nafisa Mo'minova o'zaro uchrashuvda mag'lubiyatga uchratdi. 

SHaxmatchilarimiz egallagan o'rinlar (erkaklar):

10. Nodirbek Abdusattorov - 8,5 ochko

39. SHamsiddin Vohidov - 8 ochko (23-o'rindagi shaxmatchida ham 8 ochko)

69. Javohir Sindarov - 7 ochko

85. Muhiddin Madaminov - 7 ochko

88. Nodirbek Yakubboev - 6,5 ochko

98. Muhammadzohid Suyarov - 6,5 ochko

130. Jahongir Vohidov - 5,5 ochko

165. Humoyun Begmuratov - 4 ochko 

SHaxmatchilarimiz egallagan o'rinlar (ayollar):

30. Umida Omonova - 6,5 ochko

55. Afruza Hamdamova - 5,5 ochko

68. Nafisa Mo'minova - 4,5 ochko