25 mar 12:33
Yangiliklar

SHaxmat

Rapid bo'yicha o'tkazilayotgan O'zbekiston chempionatidan FOTOREPORTAJ

Teglar : SHaxmat Rapid

Xalqaro shaxmat akademiyasida 8 yoshdan 18 yoshgacha bo'lgan o'g'il va qiz bolalar o'rtasida shaxmatning rapid yo'nalishi bo'yicha O'zbekiston chempionati boshlandi.

Birinchi kuni musobaqaning 4 ta turi o'tkazildi. Yuz nafardan oshiq shaxmatchi ishtirok etayotgan turnirda hozircha Abdurahmon Zayniddinov va Akbar Allaberganov (Toshkent) 3,5 ochkodan jamg'arib, peshqadamlik qilishyapti.

10 yoshlilar o'rtasidagi bahslarda Javohir Bozorov (Toshkent) va Abdulqodir Bahodirov (Andijon) 4 imkoniyatdan 4 ta ochkoga ega bo'lishdi. SHaxrombek Karimov (Buxoro) o'z guruhida peshqadam bo'lib turibdi. Uning hisobida 4 ta g'alaba.

Samarqandlik Akobirxon Saydaliev ham tengdoshlari orasida g'olib bo'lib turibdi (4 ochko). Muhriddin Madaminov (Toshkent) va Davron SHaripov (Qashqadaryo) 16 yoshlilar o'rtasida mahorat ko'rsatib, 4 imkoniyatdan 3,5 ochko jamg'arishgan. Samandar SHermuhammadov (Toshkent viloyati) tengdoshlari ichida yakka peshqadam. Uning hisobida 3,5 ochko bor.

Qizlar o'rtasidagi musobaqada Moxina Karimova (Namangan), Sevinch Davlatova (Qashqadaryo), Ruqiya Olimova (Samarqand), Malika Jumaeva (Sirdaryo), SHarofatbegim Saydalieva (Samarqand), Barchinoy SHokirjonova (Navoiy), Umida Omonova (Surxondaryo), Dilobar Hamroeva (Toshkent) lar o'z guruhlarida peshqadamlik qilmoqda.

Rapid yo'nalishi bo'yicha musobaqalar bugun nihoyasiga etadi. Ertaga, 26 mart kuni esa shaxmatning blic yo'nalishi bo'yicha mamlakat chempionati o'tkaziladi.