Rasman! Amirxon Alixo'jaevning navbatdagi jang sanasi va manzili elon qilindi

Hamyurtimiz 29 dekabr kuni poytaxtimizdagi "Humo Arena" majmuasida tashkil etiladigan Octagon 68 turniri doirasida o'z jangini o'tkazadi. Alixo'jaevga o'sha kuni braziliyalik sportchi raqiblik qiladi. Ammo hozircha u aynan kim ekani aytilmagan.

Malumot uchun, Amirxon Alixo'jaev so'nggi jangini 6 oktyabr kuni qozog'istonlik Nurbek Tajibaevga qarshi o'tkazib, birinchi raunddayoq nokaut orqali zafar quchgandi. Sportchi faoliyati davomida 15 ta jangda 11 g'alaba va 4 mag'lubiyat qayd etgan.

Avvalroq, Octagon 68 turniri doirasida vatandoshlarimizdan SHohasan Mirzamatov, Anvar Abdullaev, Islom Boltaev, Muhiddin Mamajonovning jang qilishi haqida xabar bergan edik.