Rasman. Federer, Vavrinka, CHidunelli Toshkentga kelmadi

Biz uchun ahamiyatlisi, Toshkentga kelgan terma jamoa tarkibidan SHveycariya tennisining uch nafar eng kuchli raketka ustalari joy olmagan. Dunyoning to'rtinchi raketkasi Rojer Federerning avvaldan poytaxtimizga kelmasligi aniq bo'lgandi.

Kuni kecha yilning to'rtta eng yirik turniridan biri – US Open-2016 musobaqasi g'olibliga aylangan Sten Vavrinka ham yurtimizga tashrif buyurmaydigan bo'ldi. Vavrinka dunyo reytingida 3-o'rinni egallab turibdi.

SHuningdek, SHveycariyaning uchinchi raketkasi, dunyo reytingida 144-pog'onadan joy olgan Marko Kyudinelli ham tennischilarimizga qarshi uchrashuvga kelmadi.

Kyudinellining o'rnini reytingda 890-o'rinni egallab turgan Yoan Nikles to'ldirdi. ATP reytingida 161-pog'onani band etib turgan 25 yoshli Genri Laksonen SHveycariyaning birinchi raketkasi sifatida Toshkentga kelgan. Ikkinchi raketka Adrien Bossel reytingda 472, Entoni Beler esa 537-o'rindan joy olgan.

Eslatib o'tamiz, O'zbekiston terma jamoasi saralashda Xitoy tennischilarini 3:2 hisobida mag'lubiyatga uchratib, pley-offda ishtirok etish huquqini qo'lga kiritgandi.

SHveycariyaliklar esa Jahon ligasi birinchi bosqichida Italiyaga qarshi o'yin o'tkazib, 0:5 hisobida mag'lubiyatga uchragan edi. O'zbekiston – SHveycariya uchrashuvi g'olibi Jahon ligasiga yo'llanmani qo'lga kiritadi.