Rasman. "Humo" bu mavsum qaysi chempionatda ishtirok etishini elon qildi

"Humo" joriy yilgi mavsumda ham Qozog'iston chempionatida ishtirok etadi. Bu haqda jamoa matbuot xizmati xabar berdi.

"Hurmatli «Humo» jamoasi va barcha xokkey muxlislari! Og'ir va bahsli mavsum yakunidan keyingi qisqa tanaffusdan so'ng yana sizlar bilan birgamiz. 

Yangi "Pro Xokkey Ligasi" mavsumiga tayyorgarlik ko'rish jarayonida voqealardan doimo habardor bo'lishingiz uchun sizlarga eng muhim klub yangiliklarini taqdim etishda davom etamiz. 

Muhim yangiliklaridan biri – «Humo» jamoasining 2024-2025 yilgi mavsumda murabbiylar shtabiga Dmitriy Kataev boshchilik qiladi! O'tgan mavsumda Dmitriy Vladimirovich boshchiligidagi Ko'kshetauning «Arlan» jamoasini mavsum chempioni va Kubok g'olibiga aylantirgan. 

«Humo» tarkibi mavsumlar oralig'ida jiddiy ravishda yangilanishi kutilmoqda. Jamoa o'z o'yin uslubini o'zgartirishga intilmoqda. Ayni paytda klub yangi o'yinchilar bilan to'ldirildi, jumladan, CHempionatning amaldagi g'olibi «Arlan» jamoasi hujumchisi - Artyom Lixotnikov va himoyachisi Ivan Stepanenko. 

Jamoaning mavsumoldi mashg'ulotlarini boshlash uchun yig'ilishi 5-7 iyul kunlariga belgilangan", deyiladi jamoa xabarida.