Rasman! Isroil Madrimovni yana bir katta jang kutmoqda + POSTER

Turki Al ash-SHeyx boshchilishidagi tashkilotchilar 2025 yilning 22 fevral kuniga belgilangan ushbu katta boks oqshomining rasmiy posterini ham elon qilishdi. Markaziy jang Artur Beterbiev va Dmitriy Bivol o'rtasida tashkil etiladi. Bu revansh maqomidagi jang bo'ladi. Ilk jangda Beterbiev hakamlar qaroriga ko'ra g'alaba qozongan va bu etirozlarga sabab bo'lgandi. Turki Al ash-SHeyx etirozlarga javoban tezda revansh jangini tashkil qilmoqda. 

Biz uchun ahamiyatlisi, Isroil Madrimov Ar-Riyoddagi yulduzli boks oqshomida o'zining yana bir katta jangini o'tkazadi. Hamyurtimiz amerikalik mashhur bokschi, birinchi o'rta vazn toifasida vaqtinchalik WBC chempioni Verjil Ortisga qarshi ringga ko'tariladi. Bu jangning tashkil etilishi haqida avvalroq xabar berilgandi. Kecha tunda bu rasman o'z tasdig'ini topdi.     

SHuningdek, Saudiyadagi boks oqshomida superog'ir vazn toifasida amaldagi IBF chempioni britaniyalik Daniel Dyubua sobiq WBO chempioni Jozef Parkerdan kamarini himoya qiladi.