Rasman: "Manchester Yunayted" yangi futbolchi bilan shartnoma imzoladi

21 yoshli o'ng qanot himoyachisi "Kristal Pelas"dan "Qizil iblislar" safiga kelib qo'shildi.

Kelishuvning moliyaviy tomonlari oshkor qilinmadi. Britaniya nashrlarining malum qilishicha, MYU transfer uchun 45 million funt to'laydi, bonuslar bilan yana 5 mln to'lanadi. Aaronning o'zi haftasiga 80-90 ming funt atrofida maosh oladi.

SHartnoma 5 yilga imzolandi va unda avtomatik tarzda yana bir yilga uzaytirish mumkin.

Van-Bissaka 2018 yilning fevral oyida "Kristal Pelas"da debyut qilgan edi, o'tgan mavsumda esa muxlislar ovoziga ko'ra, jamoaning mavsumdagi eng yaxshi o'yinchisi deb topilgan.

Van-Bissaka o'tgan mavsum APLda 35ta o'yin o'tkazgan va uchta golli pas bergan.

MYU matbuot xizmati Van-Bissaka ishtirokida "Aon Training complex"da fotosessiya ham o'tkazib bo'ldi.