Rasman. Oksana CHusovitinaning sakkizinchi Olimpiadasiga borishi tasdiqlandi

Ayni kunlarda Germaniyaning SHtutgart shahrida sport gimnastikasi bo'yicha jahon chempionati o'z yakuniga etib bormoqda. Ushbu dunyo birinchiligi kelasi yil Tokio shahri mezbonlik qiladigan Olimpiya o'yinlariga to'g'ridan to'g'ri yo'llanma berishi bilan yanada ahamiyatli.

Xalqaro gimnastika federaciyasi ushbu musobaqa arafasida bir qator sportchilarga Tokio Olimpiadasida qatnashish imkoniyatini beruvchi yo'llanma taqdim etdi. Biz uchun ahamiyatlisi ushbu licenziantlar qatorida ikki nafar vakilimiz Oksana CHusovitina hamda Rasuljon Abdurahimovning nomlarini ham ko'rishimiz mumkin.

Vakillarimiz dunyo birinchiligida sovrindorlar qatoridan joy ololmagan bo'lsalar ham, o'zlarining yuksak mahorati bilan xalqaro mutasaddilar etiborida bo'lishdi. SHu tariqa o'z nomini tarix zarvaraqlariga bitgan Oksana faoliyatida sakkizinchi bor Olimpiya o'yinlari yo'llanmasini qo'lga kiritmoqda.

Bu esa o'zbek va jahon sporti tarixi uchun ulkan muvaffaqiyat demakdir. Reglamentga ko'ra, hamyurtlarimiz kelasi yil Tokio Olimpiadasida o'zlari istagan yo'nalishda ishtirok etishlari mumkin. 

SHu tariqa Tokio Olimpiadasiga licenziya olgan sportchilarimiz soni 10 nafarga etdi.