Rasman! Qozog'iston Olimpiada-2028`dan oldingi Jahon chempionatiga mezbonlik qiladi

Los-Anjeles-2028 Olimpiadasidan oldin o'tkaziladigan ushbu dunyo birinchiligining ahamiyati boshqa yillardagi jahon chempionatidan yuqori hisoblanadi. Musobaqaning o'tkazilish sanasi bo'yicha keyinroq xabar beriladi. 

— Qozog'iston uchun Olimpiada oldidan o'tkaziladigan jahon chempionatini qabul qilish katta sharaf. Mamlakatimiz katta masshtabdagi musobaqalarni yuqori saviyada tashkil etish bo'yicha etarlicha tajribaga ega. Bizga ishonch bildirgan World Boxing tashkilotiga minnatdorlik izhor qilmoqchiman. O'ylaymanki, Qozog'iston jahon chempionatini munosib tarzda o'tkazadi", - dedi Qozog'iston Milliy olimpiya qo'mitasi prezidenti, World Boxing Olimpiya komissiyasi raisi Gennadiy Golovkin. 

Malumot uchun, Qozog'iston ikkinchi bor boks bo'yicha kattalar o'rtasidagi jahon chempionatiga mezbonlik qiladi. Bundan avval JCH-2013 Almati shahrida o'tkazilgan edi.